08/10/2003
Istorio zaharrak. Zaharrak? Zer dira gure hirurogeita hamar urtetxoak Santa Maria Katedralak hor goitik hiri kutun honen, nire "familia handiaren", bizimoduaren ardatza izaten daramatzan zazpi mende luzeekin alderatuta? Zenbat eta zenbat belaunaldik egin diote so euren zeregin eta ametsen zergatia bertan bilatu nahian?
Cayo Luis Vea-Murguíak, Gasteizko bizimoduaren kronikariak, horrela laburbiltzen du "Viejas historias de la Catedral Vieja" sortzen lagundu dutenen sentimendua. Santa Maria Katedrala Fundazioak Arabako Foru Aldundiaren laguntzaz argitaratutako liburua Gasteizko tenplu zaharraren alderdirik humanoenarekin berriro topo egiteko abagunea dugu.
Hamazazpi kontakizunak eta ehun argazkiak abiapuntuak baino ez dira Katedral Zaharra euren bizitzan erreferentziatzat duten milaka gasteiztarren oroimen bizia eta zuri-beltzeko bizipenak berreskuratzeko.
"Viejas historias de la Catedral Vieja" liburuan hiriko tiple, elizmutil, biztanle eta kronikari zaharrek euren bizipenak azaltzen dituzte lehen pertsonan. Guztien bizitzan, Santa Maria erreferentziazko txokoa izan da umetatik. 112 orrialdeetan pasadizo hunkigarri eta dibertigarriak ?gehienak haurtzarokoak?, esperientziak, sentimenduak, emozioak... ditugu irakurgai.
Pablo Alejo Rubio, Jesús Daubagna, Venancio del Val, Jesús Fernández de Jáuregui, Félix González, Joaquín Jiménez, José Ignacio Lafuente, Félix Martín Latorre, José Manuel Lasarte, Ignacio Larrañaga, Antxon Lete, Julio Martín Zubillaga, Juan José Ortiz de Mendívil, José María Pérez Ugarte, José María Sedano, Cayo Luis Vea-Murguía eta Itoiz Urreta dira testigantzak eman dituztenak.
Nola erosi
Santa Maria Katedrala Fundazioak 3.000 ale kaleratu ditu, denak edizio
bikainekoak. Testigantzekin batera ehun argazki daude, eta gehienek balio
handia dute, besteak beste, Alberto Schommer Koch, Gerardo López
de Guereñu, Gudiol, Arabako Lurralde Historikoko Artxibategi eta
Gasteizko Udal Artxibategiaren fondoetakoak baitira. Eta horiez gain,
liburuko protagonistek emandakoak aipatu behar ditugu.
"Viejas historias de la Catedral Vieja" liburua erosi nahi
dutenek Gasteizko liburu-denda nagusietan (Arriaga, Aukera, Ayala, Biblos,
La Casa del Libro eta Study) eta Santa Maria Katedraleko Bisitarien Zentroan
dute salgai. Nahi izanez gero, 945 12 21 60 edo 945 25 51 35 telefonoetara
deituz ere eskuratuko dute.