19/05/2004
2004/05/19 Bestalde, Santa Maria Katedraleko Zaharberritze-lanak ikusteko bisita gidatuen erakargarritasuna azpimarratu behar da, indusketa arkeologikoen azken emaitzen berri ematen duten aldetik. Gasteizko antzinako herrixkaren jatorrietan sakontzeaz gain, tenpluaren eraikuntza-prozesuaren eta horrek hiriaren hirigintza-garapenean izan duen eraginaren berri ematen dute.
1.- Ilustrazioetan oso garbi ikusten da egungo Katedralaren lekuan eliza bat eta hiribilduko harresiak zeudela, guztiak ere XI. mendearen bigarren erdialdekoak.
2.- Gasteiz Alfontso VIII.ak 1200ean konkistatu eta 1202an hiriak sutea jasan ondoren, bi erabaki garrantzitsu hartu zituzten herritarrek: eliza handi bat eraikitzea eta lehendik zegoena zaharberritzea, suteak izugarrizko kalteak egin zizkion eta. ³Eraikuntza-estrategia² horren bitartez, eliztarrak ez ziren geratuko santutegirik gabe berria amaitzen zuten bitartean eta, bestetik, ziurtatu egiten zuten hiribilduaren defentsen hermetismoa.
3.- Alfontso X.aren garaira arte (1252-1284) luzatu ziren lanak eta tenpluaren
oinetaraino heldu ziren. Prozesua hainbat belaunalditan zehar gauzatu
zuten eta etengabe aldatu behar izan zuten herritarrek harresiak iparraldetik
zeharkatzeko erabiltzen zuten sarrera.