17/06/2004
2004/06/17 Jesús María Gómez De la Cruz artista gasteiztarrak I. Argazki Lehiaketako lehen saria jaso du, diploma eta 1.200 euro, "cuatro segundos" izenburua duen zuri-beltzeko fotografia bildumarengatik.
Josu Izarra Garcíak, "Escher" izenburupean sepian eginiko lau irudirengatik, eta Santiago Ramírez Uriartek, "Sillares" lema duen koloretan eginiko fotomuntaiarengatik, bigarren saria -900 euro eta diploma- eta hirugarren saria -600 euro eta diploma- irabazi dute hurrenez hurren.
Portugaleteko (Bizkaia) Jorge Salvador Hidalgok eginiko "Hacia la conquista" izenburua duen koloreko lanari dagokio argazki hoberenaren saria. Kasu honetan, saria diploma eta 400 eurokoa da.
Lehiaketaren oinarriak zabaltzearen ondorioz eta argazkiek duten kalitatea kontuan izanik, epaimahaiak erabaki zuen diploma eta 200 euroko hiru akzesit ematea beste banakako hiru argazkiri. Sariak Isidro Lázaro Mateosek "Visitas guiadas" (koloretan), Ana Valdeolivasek "Arquitecturas imposibles I" (zuri-beltzean) eta Matteo Manfrediren "Hacia la Catedral" (koloretan) lanengatik jaso zituzten.
Argazki lehiaketaren lehen ediziora 62 lan aurkeztu ziren, gehienak Arabako argazkilariak, nahiz eta Bizkaia, Gipuzkoa, Cadiz eta Castellongo parte-hartzaileak egon ziren. Guzti horiek parte-hartze diploma jasoko dute.
Santa María Katedrala Fundazioak, lehiaketaren antolatzaileak,
uztailaren 14an lan sarituekin eta akzesitekin esposizio bat antolatuko
du. Erakusketa Montehermoso Kultur Etxean izango da eta bertan aire librean
eginiko pinturen II. Lehiaketako koadroak ere erakusgai izango dira.