30/04/2006
06/04/30 Vitoria-Gasteizko
Santa Maria Katedrala zaharberritzeko proiektua gero eta ezagunagoa da
mugaz haratago. Herrialde askok aitortu ondoren, Brasilgo hainbat
ikasketa-erakunde eta prestakuntza-zentroekiko lankidetza irekia gehitu
zaio oraingoan. Santa Maria Katedrala Fundazioa Brasilgo
Niterói hiriko “Espainiarekiko Nazioarteko Kultur
Topaketa”-n egon ondoren sortu da harreman hori.
Universidad Federal Fluminense (UFF) delakoaren Arkitektura eta
Hirigintza Fakultateak Zaharberritze eta Kultur Ondareari buruzko
Mintegiari amaiera emateko hitzaldirako hautatu zen Katedral Zaharraren
zaharberritzea, nazioarteko proiektu gisa. Haren zuzendariak,
Nireu Calvacanti irakasleak, lankidetza-hitzarmena lehenbailehen
sinatzeko gogoa azaldu zuen, ikasleek proiektuan esku hartzerik izan
zezaten. Berdintsu azaldu zen Sonia Nogueira, Rio de Janeiroko
“Escuela Taller de Manguinhos” izeneko proiektuaren
koordinatzaileak ere. Honela, unibertsitate-ikasleek, beste
unibertsitate batzuekin gauzatu den lankidetza-proiektuan esku hartu
ahal izango dute eta, besteak beste, Italia, Portugal, Puerto
Rico eta Miamiko... unibertsitateekin adostutako
lankidetza-hitzarmenean, alegia.
Apirilaren 7tik maiatzaren 1era bitartean antolatutako 200 gertakari
baino gehiagoetan –hitzaldiak, erakusketak, kontzertuak,
antzezlanak- islatzen da “Espainiarekiko Nazioarteko Kultur
Topaketa”-k izan duen garrantzia, horietan, gainera,
Espainiako eskualde ezberdinetako Artea, Kultura, Musika eta Tradizioak
mintzagai izan direlarik. Rio de Janeirotik gertu dagoen
Niterói hiriak, biztanle guztiei eskaintzen die kulturara
hurbiltzeko aukera, eta aitzindari izan da nazioarte-mailako kultur
topaketak antolatzen.
Santa Maria Katedraleko proiektua bereizten duten ikerketa eta
arkitektura-zaharberritzea zein kudeaketa, gertu gertutik ezagutzeko
aukera izan zuten Zaharberritze eta Kultur Ondareari buruzko Mintegian
esku hartu zutenek. Partaideen artean, Brasildar Gobernuko agintariak,
arkitektoak, akademikoak, irakasleak eta ikasleak izan ziren, eta
guztiek interes berezia azaldu zuten, katedral gotiko baten
zaharberritzea “mundu osoan erreferente arkitektoniko,
turistiko eta kultural” nola bilakatu den
jakitearren.
Azken Gailur Iberoamerikarrean egiaztatu zen Amerika Latinoko
herrialdeek Santa Maria Katedralaren zaharberritze-ereduarekiko eta
horren ekonomia, kultura eta gizartearen arloko
errentagarritasunarekiko azaldutako interesa.
Honela, Santa Maria Katedralaren kasua erabili zuen Espainiako
Hezkuntza Ministerioak goi-bilera horretan, hainbat arlotan
errentagarri izaten ari den eredu gisa.
Zentzu honetan, Niterói hiriko Kultura zinegotzia den Marco
Gomes jaunak, Santa Maria Katedralekoa bezalako proiektuen garrantzia
nabarmendu zuen, “garapen eta baliabide ekonomikoen
iturri” diren heinean. Izan ere, Gomes bera
Vitoria-Gasteizera bertaratu zen topaketa antolatzera, eta Katedral
Zaharreko proiektua aukeratu zuen “horretan burutzen ari
diren jarduera asko, oso interesgarri izan daitzkeelako Brasilgo kultur
ondarea zaharberritzeko”.
Paulo Coelho eta
Santa Maria Katedrala
Santa Maria Katedrala Fundazioko arduradunek esker ona erakutsi nahian,
portugalerazko ikus-entzunezkoa estreinatu zuten, horretan,
“Katedraleko Topaketetan” esku hartu duten hainbat
idazleren presentzia nabarmendu behar delarik. Ildo honi jarraiki,
harro sentitu ziren euren herrikidea den Paulo Coelho idazlea,
katedrala “El Zahir” lanean
txertatzeagatik, proiektuaren enbaxadoreetako bat izendatu
dutela jakitean.
Nabarmenetariko izan da Vitoria-Gasteiz hiriaren presentzia
Niteróiko “Espainiarekiko Nazioarteko Kultur
Topaketa”-n. Partehartze horren bitartez, hiri horretako
250.000tik gorako biztanleen artean, bertan dauden elkartasun eta
jasangarritasun arloko balioak eta bizi-maila altuak jakinarazi ahal
izan baitira. Arabako hiriburua ia
hilabetez egon da bertan, hara joandako ordezkarien bitartez, hau da:
Udaleko Turismo eta Kultura, Jazzaldia eta Iñaki
Añúa, Ortophonk musika-taldea eta Santa Maria
Katedrala.
Kultur ondarearen zaharberritzearen inguruko unibertsitateek eta
profesionalek ez ezik, komunikabide brasildar askok ere azaldu dute
interes hori. Horren ondorioz, ziur aski, gero eta bisitari
brasildar eta portugaleraz hitz egiten duten bisitari gehiago ikusi
ahal izango dira Vitoria-Gasteizen barrena, “El
Zahir” eleberriaren ondoren ere, horrelaxe gertatu
baitzen.