Gaurkotasuna

Prentsa-oharrak

11/12/2007

Erdi Aroko Harresiaren bigarren zatiaren inaugurazioa

2007/07/30 Hiriko Erdi Aroko harresi zaharra bisitatzen dutenek 100 metroko beste zati batez gozatuko dute.

Gaurtik aurrera, hiriko Erdi Aroko harresi zaharra bisitatzen dutenek 100 metroko beste zati batez goza dezakete, dagoeneko egon badagoen tartearekin bat egiten duena, eta ibilbidean zehar espezie usaintsuz josiriko lorategi botaniko ikusgarri bat begiestea ahalbidetzen duena. Tarte berri horrek hiriko ondare historikoa berreskuratzeko eta Hirigune Historikoa berpizteko egiten ari diren lanak berrindartzeko balio du.

Joan zen urrian, mendeetan zehar etxeek eta kaleek ezkutuan mantendutako harresiko hormen 136 metroko ibilbidea zabaldu zen. Ordutik hona, 11.007 pertsonek ibilaldi gidatu horretaz gozatzeko parada izan dute, zeinak hiriko urbanismoa nola jaiotzen den ikusteko aukera paregabea eskaintzen duen. Badira beste 630 pertsona jadanik erreserba eginda dutenak. Hamar hilabete geroago, ibilbide hori areagotu egin da, eta 3.000 metro koadro ingurukoa den lorez betetako pasealeku batetik zehar iragaten den tartea izateraino heldu da. Pasealeku horrek defentsarako gerrikoaren zati batetik zehar ibiltzea ahalbidetzen du; era berean, lau dorretzarrek zedarritzen duten harresiko hormen 300 bat metro ikusteko aukera ere eskaintzen du igarobide-sistema batetik.

Espazio hori berreskuratu eta balorean jartzea Vitoria-Gasteizko Udalak, Hiri Berrikuntzarako Udal Agentziaren bidez, Hirigune Historikoa birgaitzeko burutzen ari den lanen barruan daude. Horrez gain, Eusko Jaurlaritzako Kultura Sailaren lankidetza ere badauka.