11/12/2007
Santa Maria
Katedrala Fundazioak haurrentzako tailer berriak antolatu ditu,
Gasteizeko tenpluko bisiten edukia haurrei gerturatzeko asmoarekin,
hiriaren historia edo arkitekturaren edo arkeologiaren garrantzia
ezagutzera ematen zaien bitartean. Ikastaroak, doanekoak, urriaren 27
eta 28, azaroaren 24 eta 25 eta Gabonetako oporretan garatuko dira.
Tailerrak 15 eta 20 haurren taldetan garatzeko diseinatu dira. Bertan,
ordu erdiko bisita bat eta ordubeteko esku-lana burutuko da. Parte
hartu nahi dutenek euskaraz edo gazteleraz egin ahal izango dute, eta
izena emateko erreserba Santa Maria Katedraleko Bisitarien Harrera
Zentroan (Plaza de la Brullerias) edo honako telefonoan egin behar da:
945 255 135.
‘La
ciudad de bolsillo – Poltsiko hiria’
Tailer honen helburua Vitoria-Gasteizeko eta Santa Maria Katedraleko
iragana haurrei gerturatzea da, ibilbide baten bitartez. Bertan
azalduko dira Gasteizek izandako bilakaera Nova Victoria
bilakatu arte, Santa Maria Katedralaren aurreko elizak, eta
katedralaren beraren eraikuntza prozesua. Parte-hartzaile bakoitzak
bisitan ezagututako elementuren baten maketa bat egin beharko du,
esaterako VIII. mendeko etxolak; aurretiko elizak, harresia, Santa
Maria bere fase desberdinetan, etab. ikusi dituztenak erreferentziatzat
hartuta.
‘Érase
una vez Vitoria-Gasteiz – Ba zen behin Gasteiz’
Tailer honetan, kartoizko iruditxoak eginez, Gasteizeko VII. eta X.
mende arteko asentamendu edo hiriaren antzekoa irudikatuko da,
arkeologiak historia ezagutzeko duen garrantziaz jabetzeko
helburuarekin.
‘¡Veo,
veo la catedral! – Ikusi makusi katedrala!’
Bertan, arkitektura gotikoaren ikuspegi erraza eta didaktikoa eskaini
nahi da, beirateei arreta berezia emanez, horietako bat kartoiez egin
aurretik.
‘La
piedra nos cuenta - Harriak dio...’,
Haurrei artearen garrantzia ulertarazi egin nahi zaie, iraganaldiko
elementu didaktiko gisa, hau da; biztanle gehienek irakurtzen eta
idazten ez zekiten garai batean. Plastilina material nagusi gisa
erabiliz, haurrek portada gotiko baten eskultoreak izatearen sentsazioa
izango dute.
‘La
catedral está enferma / Katedrala gaixorik dago’
Tailer honen bisitan, modu ulerterraz batean, katedralaren
egitura-arazoak eta burutzen ari den zaharberritzea adierazi nahi da,
giza gorputzarekin konparatuz. Haurrek, ondoren, kartoi batean marrazki
bat egin beharko dute, tenperekin, katedrala irudikatuz, eta zimenduen,
hormen eta bobeden aldean, koloreztatutako pintza batzuk ipiniko
dituzte. Horretaz gain, kartoi zuriko txarteletako batean, katedralaren
arazoak adierazi eta bakoitza dagokion pintzan jarri beharko dituzte.
Tailer horietaz gain, nahi duten eskolek eta ikastolek bestelako
tailerrak edo jarduerak garatu ahal izango dituzte data desberdinetan.
Horretarako telefono zenbaki berberean eskatu beharko dute (945 255
135).