08/01/2008
Ken
Follett idazle galestarra Gasteizen dago egun hauetan Un mundo sin fin
aurkezteko, Los pilares de la tierra bere best-sellerraren jarraipena
dena. Santa Maria Katedralarekin bost urtetako harreman estuaren
ondoren, zeinak proiektuaren dokumentazio garrantzitsua eskuragarri
jarri zion, Follettek Gasteiz aukeratu du bere literatur lan berriaren
jendaurreko aurkezpena egiteko. Un mundo sin fin munduan zehar milaka
ale saltzera deituta dago, eta jadanik argitaratu den herrialdeetako
salmenta-zerrenden lehendabiziko postuetan kokatu da.
Horri esker eta Follettek berak koroan ateratako argazki bat liburuan
sartzeko hartutako erabakiari esker, Katedrala milaka irakurlerengana
iritsiko da. Horrez gain, duela zenbait hilabetetatik munduan zehar
egiten diharduen sustapenean, Gasteizera egindako bere bisitaldietan
ateratako argazki-sorta erabiltzen ari da; eta, gainera, esker onen
atalean, egileak tenpluak eragin dion inspirazioa aitortzen du, eta
baita Fundazioak emandako laguntza guztia ere.
Liburua aurkeztu eta irakurleekin batzeaz gain, Follettek Burulleria
plazan jarri den Carlos Solanoren eskultura inauguratuko du gasteiztar
tenpluaren alde egiten ari den hedatze-lanaren esker onez. Pieza
plazaren goiko aldean egongo da, eta bera bakarrik ere faktore
erakargarri bilakatuko da, eta primeran gorpuztuko du Katedralarekin
Follettek duen harremana.
Argibide gehiago:
www.kenfollettvitoria.com