03/04/2008
Vitoria-Gasteiz, 2008ko apirilaren
3a.- Gonzalo Arroitak,
Santa Maria Katedrala Fundazioko zuzendari gerenteak, eta Agustín
Azkaratek, Arkeologia katedradunak, bihar Melillan “Melilla,
Mediterraneoko ahots isildua” topaketetan parte hartuko dute. Bertan,
hainbat adituk hiria, ondarea eta uraren inguruko eztabaida egingo dute
eta aditu bi hauek Gasteizko katedral zaharra eta harresiari buruzko
hitzaldi bat egingo dute eta jarduera horiek hirigune historikoa nola
dinamizatu duten azalduko dute.
Jardunaldia Melillako Hiri
Autonomoa, Zaragozako Erakusketa Unibertsalean azaltzearen ondorioz,
sustatzen ari den ekintzen barruan dago. Erakusketa horretan pabilioi
propioa izango du eta azken urte honetan, hiri horretan aurrez ikusita
dauden garapen proiektuak jendeari ezagutzera ematen ari da. “Hiria,
ondarea eta ura” Melillako Urrutiko Hezkuntzarako Unibertsitate
Nazionalarekin (UNED) Lotutako Zentroak antolatu du Gobernuaren
Ingurumen Sailarekin elkarlanean.
Topaketa hau Gasteizen aurten
monumentu-ondareari buruz egingo diren jardunaldien aurrerapen bat
izango da. Gasteizko jardunaldi horietan hainbat erakunde ospetsuko
nazioarteko adituek (esaterako, UNESCO, World Monument Fund, Hiri
Harresituen Elkartea eta Europa Nostra, besteak beste) parte hartuko
dute, eta eztabaidatuko den gaietariko bat harresien berreskurapena
gizartearen eta hiriaren ikuspuntutik, hiri zaharraren ardatz
antolatzaile gisa eta ezagutza iturri gisa izango da.
Melillan hiru egunetan egingo diren hitzaldien eta
mahai-inguruen bitartez, Mediterraneoko kulturaren ezaugarri diren
alderdiak analizatzen saiatuko dira. Gonzalo Arroita eta Agustín
Azkaratek Katedralean herritarrei obrak ezagutzera emateko martxan
jarri den esperientziak piztu duen interesari eta ondareak gizartean
betetzen duen funtzioari buruz mintzatuko dira. Biek azpimarratuko dute
ondare-ondasunen alorreko inbertsio publikoa gizartean
errentagarritasuna eragiteko moduan egin behar dela, hezkuntza,
prestakuntza, kultura, turismoa, ezagutza historikoa eta inguruaren
berreskurapenarekin lotutako errentagarritasuna eragiteko moduan,
alegia.
Jardunaldiak atzo hasi ziren (asteazkena) Ángel Morúa, Salvador Moreno
eta Antonio Bravoren ‘Melilla, la voz callada del Mediterráneo’
liburuaren aurkezpenarekin. Aurkezpen horren ondoren, Carlos
Fernández-Jauregui jauna, nazioarteko erakunde honetako Water for
Life-en zuzendaria, 2Nazio Batuen Water for Life 2005-2015 programa”
izenburua zeukan lehenengo hitzaldiaz arduratu zen.
Gaur, osteguna, Rinio Bruttomesso arkitekto
veneziarrak hirien sareaz eta uraz hitz egingo du eta bere hiria
jarriko du adibide gisa. Alexandriako Alexandrina Ikerketa Zentroko
Mohamed Awad-ek, aldiz, ‘Alexandria: itsasoko aurrealde baten
kontserbazio eta garapen kasu bat’ hitzaldia egingo du.
Arroita eta Azkaratez gain, bihar, ostirala, Salvador
Moreno, Melillako Alde Zaharreko Plan Bereziaren zuzendaria, eta Nuria
Sánz, UNESCOko Munduko Ondarearen Zentrokoa, arituko dira eta azken hau
hiri historikoaren kontserbazioaz mintzatuko da. Jardunaldien bukaeran
mahai-inguru bat egingo da eta bertan, Pablo Longoriak esku hartuko du
New Yorkeko World Monument Fund erakundearen ordezkari gisa. Erakunde
hori kultura ondarearen alorreko munduko mezenas pribaturik handiena da
eta 2006an Santa Maria Katedrala bere monumentu babestuen zerrendan
sartu zuen.
Halaber, parte-hartzaileek Melillako gotorleku zaharretik eta hiri
autonomoko eraikuntza modernistetatik bisita gidatuetan parte hartuko
dute, baita hiria itsasotik ezagutzeko txango batean ere. Ateratzen
diren ondorioak Zaragozako Erakusketa Unibertsalean aurkeztuko dira.
Rellenar aquí