16/04/2008
Vitoria-Gasteiz, 2008ko apirilaren 16a.- Santa María
Katedrala Fundazioak beste etapa bat hasiko du Juan Ignacio
Lasagabaster jauna zuzendari kudeatzaile izendatzen dutenean, Gonzalo
Arroita jaunaren ordez. Ondo baino hobeto ezagutzen du proiektua,
horren zuzendari teknikoa izan baita. Lasagabasterrek Fundazioaren
zuzendaritza hartzen du zaharberritzeko lana garrantzi handiko une
batean dagoenean eta Eusko Jaurlaritzaren patronatuarekiko sarrera
erabakitzen denean.
Santa
María Katedrala Fundazioaren patronatuko presidente andrea, Lorena
López de Lacalle, gaur goizean Arroita eta Lasagabasterren arteko
botereen esku-aldaketaren lekuko izan da. Bi pertsona horiek lotura
izan dute Gasteizko eliza zaharberritzeko proiektuarekin 2000. urtean
Fundazioa sortu zenetik. Lan-talde oparoaren zuzendaritzan eta zortzi
urtez arrakastarekin eta gogor lan egin ondoren, lortu dute Santa María
Katedrala, monumentuak zaharberritzeko metodologia-eredu izateaz gain,
Euskal Herriko turismo erakargarri nagusietako bat bihurtzea. Alde
batetik, Arroitak, jakinaz denez, Fundazioa utzi du hiriko hirigunea
suspertzea eta sustatzea helburu duen agentziarekin lan egiteko.
Juan Ignacio Lasagabasterrek,
bestalde, kargua onartu du 90eko hamarkada erditik Zaharberritzeko Plan
Gidatzailearen lehen sustatzaile eta zuzendari izan ondoren, eta
geroxeago Fundazioaren zuzendari teknikoko lanak burutu ondoren,
Arabako Foru Aldundiko Historia eta Arkitektura Ondarearen Zeribtuzu
burua baitzen. Egin beharreko lehenengo lanetako bat ondokoa izango da,
azken bilkuran onetsi zen bezala: Eusko Jaurlaritzaren patronatuarekiko
sarrera kudeatzea; gaur egun patronatu horretan Arabako Foru Aldundia,
Gasteizko Udala eta Gotzaintza daude. Erkidegoko gobernuak etengabe
lagundu badu ere abian jarritako ikerketa eta zabalkuntza programak
finantzatzen, eta katedrala berreskuratzeko funtseko alderdi batzuk
bideragarri egin baditu ere, laster batean patronatuan osoki sartzea
aurreikusi da.
Halaber,
Lasagabasterrek beste antolaketa-egitura bat osatu nahi du Fundazioan,
eta egitura horrek, beste lan batzuen artean, 2009-2013 eperako lan
estrategikoa idatzi beharko du, Katedralaren zaharberri
arkitektonikoarekin amaitzeko eta etorkizunera begira Katedrala berezko
izaera eta bizitza duen erlijio- eta kultura-eremu gisa dituen
gaitasunak garatzeko eta sustatzeko.
Garrantzi
handiko uneak zaharberritze-lanetan
Zuzendari kudeatzaile berriak kargua
hartzen du zaharberritzeko lanak une erabakigarrian daudenean.
Aurreproiektuarekin, non Monumentuan zein ingurunean aplikatu behar
diren konponbide funtzional eta formalak definitzen diren, gauzatzeko
proiektuak idatzi dira eta horietako bi proiektu nagusi hasi dituzte,
dorrea eta portikoa zaharberritzea eta erdiko nabeena; une honetan
beste urratsa bati egin behar zaio aurre, eta urrats horretan beste
eremu batzuk agertuko dira. Gainera etapa garrantzitsua da ebaluatzeko
noraino iritsi diren eta zer larri diren gurutzaduran antzemandako
egitura-arazoak (arkeologia-indusketen ondorioz suertatukoak). Emaitzak
finkatze-proiektuaren garapena baldintzatuko du.
Lasagabasterrek
beste erabilera-proposamen batzuk egiteko ardura ere izango
du, bai arkeologia-indusketen ondorioz tenpluaren barruan museo bihur
daitezkeen eremuei dagokienez, bai bisitatzeko moduko ibilbideei
dagokienez. Ibilbideak amaitu egingo dira portikoaren estalpe-artean
sortutako areto ederretik igaro ondoren, dorrean alegia, hiriaren
talaiarik ederrenean. Badira berreskuratzeko moduko beste eremu batzuk:
XVIII. mendeko sakristia, Paterninako kapera, Santiagokoa edo Aiztogile
kalean diren alboko etxeak; eremu horietan beste jarduera batzuk
egiteko aukera izango baitugu.
Zuzendari kudeatzaile berria, halaber, urte hauetan Santa María
Katedralaren kudeaketarekin lortutako esperientzia eta ereduaren
oinarri intelektuala beste eremu batzuetan sustatzearen eta
errentagarri bihurtzearen aldeko defendatzaile garrantzitsuenetako bat
dugu. Hori dela eta, Lasagabasterrek uste du Fundazioaren jarduerak
ZAIN Ikerketa Zentroan eremu erreferente izan behar duela; zentro hori
esperientzia honen babespean sortu baitzen.