Bihar, ostirala,
arratsaldeko 20:00etatik aurrera Concejo Abierto taldearen ikuskizunaz
gozatzeko aukera egongo da. Antzinako musika jotzen duen talde honen
errepertorioa barrokoko lanek osatzen dute (XVI. mendearen bukaeratik
XVIII. mendearen hasierara arte) eta beti jo nahi izan du historia
jatorrizko instrumentuekin. Beren lanean materiala xeheki bilatu dute,
ikerketa lana eta lan musikologikoa ere gauzatu dute, eta gero,
interpretatu egin dute. Horretarako musikari aditu ospetsuen laguntza
eta aholkuak ere jaso dituzte.
Taldeko kideak Ander Berrojalbiz (biolina), Maider López
(biola) eta Virginia Gonzalo (klabea eta organoa) dira, baina kontzertu
honetan beste lau musikarirekin batera arituko dira: Cristina Bayón
(sopranoa), Soma Salat-Zakariás (zango-biola), Thor-Harald Johsen
(tiorba) eta Roger Junyent i Balsach (biolin barrokoa).
Les Saqueboutiers de
Toulouse taldeak azaroaren 29an
denboraldiko azken kontzertua eskainiko digu. Adituek eta entzuleriak
XVII. mendeko musikako interpretazioan erreferentziatzat jotzen
dituzte. Talde honek metalezko instrumentu zaharrak
erabiltzen ditu eta horien artean aipagarriena korneta eta tronboi
nukleo bat da, eta beharrezkoa denean, biolin, biola, bajoi eta
txirimiaz inguratzen dira. Kontzertu hau ere arratsaldeko 20:00etan
hasiko da.
Kontzertuak Katedraleko arkupean egingo dira, eta doakoak dirabaina
beharrezkoa da gonbidapena izatea. Nahi dutenek Katedraleko
Bisitarientzako Harrera Zentroan (Buruileria plazan) jaso ditzakete
kontzertu bakoitzaren aurreko asteazkenean.