23/01/2009
Vitoria-Gasteiz, 2009ko urtarrilaren 23a.- Santa Maria
Katedrala Fundazioa atzo Madrilen eman ziren Enpresa Mezenasgoaren eta
Babesaren Sarien XVIII. edizioan finalista geratu zen. Zehazki,
‘Gasteizko zutabeak’ babesle programa ondare historiko artistikoaren
kategorian finalista geratu zen eta Santa María la Real Fundazioak
irabazi zuen.
Madrilgo Real Casa de Correosen atzo enpresa mezenasgoaren AEDME sariak
banatu ziren. Madrilgo Erkidegoko lehendakaria den Esperanza Aguirre
izan zen ekitaldiaren presidentea eta bertan, Espainiako enpresa,
gizarte eta kultura arloko ordezkari ugarik parte hartu zuten.
Santa Maria Katedrala Fundazioak ondare
historiko artistikoaren kategorian parte hartu zuen ‘Gasteizko
zutabeak’ mezenasgo programarekin. Atzo epaimahaiaren aintzatespena
lortu zuen ekimenari esker, enpresek Gasteizko tenplua zaharberritzeko
proiektuak parte har dezakete haren 18 zutabeetariko bat sinbolikoki
adoptatuz.
Ondarearen alorreko erakunde espainiar garrantzitsuen kontra aritu zen
lehian, esate baterako Santa María la Real Fundazioa. Fundazio horrek
lortu zuen saria Iberiar Penintsulako erromaniko espainiarrari buruzko
entziklopedia bat garatzeagatik. Gailentzekoak dira ere ondorengo
finalista hauek, besteak beste: Atapuerca Fundazioa, daukan babesle eta
mezenasgo programagatik, eta Gaztela eta Leongo Ondare Historiko eta
Artistikoko Fundazioa, batxilergoko eta lanbide heziketako ikasleei
zuzendutako lehiaketagatik.
Aurten enpresa babes eta mezenasgoaren AEDME sarien babesleak Banco
Santander eta Madrilgo Erkidegoa izan dira. Aurten adin-nagusitasuna
lortu duten sari hauek filantropiaren eta geure herrialdearekiko
gizarte erantzukizunaren alorreko saririk eraginkorrenak dira.
1991ean sortu ziren. Urte hartan, Bartzelona olinpikoaren ondoriozko
giro optimista eta ekintzaileak beren sorrera erraztu zuen. Sarien
azken edizioak ospea irabazten joan dira, Gizarte Erantzukizun
Korporatiboaren goraldiaren ondorioz, eta Espainian esparru horretako
saririk garrantzitsuenetariko bat dira.
.
.