03/03/2009
Gasteiz, 2009ko martxoaren 3an.- “Katedrala
ezagutzen” hitzaldi-zikloaren barruan, bihar, asteazkena, beste
hitzaldi bat izango dugu, eta Jesús Sánchez Adalid Extremadurako
idazlea hantxe izango da. Hitzaldia, Santa María Katedralaren
Fundazioak antolatutakoa, 20:00etan hasiko da Villa Suso Jauregian,
sarrera librea egongo da eta "Fikzioa eta errealitatea eleberri
historikoan" izenburua du.
Jesús Sánchez Adalid 1962. urtean jaio zen Villanueva de la Serenan
(Badajoz), Doktorea da Zuzenbidean, eta epaile moduan lan egin zuen bi
urtez Filosofia eta Teologia ikasi baino lehen.
Ondoren Zuzenbide Kanonikoko Lizentziatura lortu zuen Salamancako Eliz
Unibertsitatean.
1998an Felipe Trigo sariko finalista izan zen "La fuente del Atenor”
liburuarekin, eta 2007ko maiatzean Planeta argitaletxeko Fernando Lara
saria lortu zuen "El alma de la ciudad” eleberriari esker. "Luz de
Oriente" liburuak kritika eta publikoaren harrera bikaina lortu
zuen. Baina 2001ean lortu zuen Espainiako
literatura-panoramaren behin betiko onarpena "El Mozárabe" lanari esker.
Halaber, “La Luz de Oriente" grekora itzuli zuten, eta arrakasta handia
lortu ondoren, "Féliz de Lusitania" ere itzuli zuten. Gaur
egun Sánchez Adaliden liburu guztiak itzultzen ari dira hizkuntza
horretara. 2003an Juduak, mairuak eta kristauak bildumak
—hiru kultura horietako gai orokorrei buruzko eleberri historiko
ospetsuenak bitzen ditu bildumak—, "El Mozárabe” eleberria merkaturatu
zuen eta lehen mailako postuetako batean jarri zuen, beste egile oso
ospetsu batzuen tituluekin batera, adibidez, Lion Feuchtwanger, Gibert
Sinoué, Noah Gordón, Tariq Alí, Didier Nebot edo Frank Baer.
Sánchez Adaliden obrak zabalkuntza handia lortu du
Hispanoamerika osoan, eta horrek erakusten du espainierako irakurleek
ondo hartu egin dutela bere estilo berezia. Kontinente horretan,
bereziki Txilen, Santiago de Chileko Liburu Azokara joateko eskatu
zioten 2005ean, eta haren zenbait titulu Argentinan azken urte hauetan
gehien irakurritako liburu izan dira.
Gainera, eta Cervantes Institutuaren laguntzarekin, Atenas eta Bruselan
aurkeztu du bere obra, eta Txile zein Argentinako hainbat
unibertsitatetan izan da. Aurten Kordoba, Zaragoza, Santiago,
Coruña, Malaga, Extremadura, Salamanca, Nafarroa, Alcalá de Henares,
Comillas eta Errioxako unibertsitateek eta Konplutentseak eskatu diote
bertara joateko, eta gainera hainbat kongresu, lehiaketa eta
literatura-saritan parte hartu du.
Literaturako aldizkari askok gomendatu dituzte haren eleberriak, eta bi
zinematografiako ekoizle garrantzitsuk haren bi eleberri dituzte
pelikula bi egiteko, “El Mozárabe eta “La Sublime Puerta” alegia. Gaur
egun Sánchez Adalid idazleak zazpi eleberri argitaratuta ditu eta behin
eta berriz argitaratzen dira:
‘La Luz del Oriente’, ‘Félix de Lusitania’, ‘El Mozárabe’, ‘La Tierra
sin Mal’, ‘El Cautivo’, ‘La Sublime Puerta’ eta ‘En compañía del sol’.
Gainera komunikabide batzuekin lan egiten du, bai idatzizko
komunikabiderekin, bai irratirekin.
Jesús Sánchez Adaliden hitzaldia
20:00etan hasiko da Villa Suso Jauregian. Sarrera librea izango da toki
guztiak bete arte, eta Santa Maria Katedraleko Fundatzaileen Elkarteko
kideek lehentasuna izango dute 19:45ak arte.