17/09/2009
Vitoria-Gasteiz,
2009ko irailaren 17a.-
Santa María Katedralean bi kontzertu oso
berezi izango ditugu bihar eta larunbatean. Carlos Menak
bihar Santa Maria Kapera zuzenduko du; musikari ospetsu batzuek osatzen
dute talde hori; larunbatean Ensemble SINKRO izango da
protagonista. Errezitaldi bi horiek Santa María Musika Kapera
berreskuratzeko abiapuntua izango dira; erakunde horrek musika-ondarea
berreskuratzea sustatzen du.
Proiektu hau jaio egin da Gotzaintzaren sustapenari eta Santa
Maria Katedrala Fundazioko Patronatuaren gainontzeko kideen eta Caja
Vital Kutxaren babesari esker; proiektu honen bidez Gasteizko eliza
horretan dugun musika-ondarea berreskuratu eta ondare horri dagokion
balioa eman nahi zaio. Gainera, musika ekoizteko eta sortzeko eremu bat
sustatu nahi dugu. Katedraletako Musika Kaperen ideia
berreskuratu nahi dugu; egitura horiek elizetan ziren eta musika
erabiltzen zuten pastoral erreminta gisa. Gasteizko elizaren kasuan,
Kapera ez da desagertu, Rafael Mendialdua kalonjea da gaur egun Kapera
horren Maisua, baina ez du kaperaren jarduerarekin jarraitu.
Mendebaldeko Europako herri guztietan, eta historiako aldi luze batez,
katedralek oinarrizko lana bultzatu dute euren hirietako jarduera
kulturala garatzeko. Eta Musika Kaperei esker, aurreko
musika-ondarea gordetzeko eta egunean jartzeko aukera izan
dugu. Kapera horietako Maisuen lana, kaperako musikariak
zuzentzeaz gain, batez ere obra berriak sortzea zen; obra horiek, garai
bakoitzeko gustuen eta ohituren arabera, betidanik interpretatzen ziren
obren ordez agertu ziren.
Gasteiz ez zen salbuespen izan nahiz eta Santa Maria eliza 1862. urtera
arte apezpiku-egoitza ez izan, kolegio-eliza izateari esker lortu zuen
inguruko katedral batzuen ezaugarri asko izatea; dena dela, baliabide
ekonomiko gutxi zituenez, ezin izan zituen ezaugarri horiek behar
bezala garatu. Horrela bada, adibidez, 1657tik 1671era arte Miguel de
Irizar Gasteizko kolegio-elizako kaperako maisu izan zen; garai
horretako polifonista bikainetako bat zen. 1770etik 1815era arte beste
musikari garrantzitsu bat, Pedro Antonio Ortiz de Landaluce, izan zen
kaperaren zuzendaria.
Kaperaren helburuak
Kontzeptu horretatik abiatuta, irudi hori berreskuratu nahi dugu Santa
Maria Katedraleko entitate egonkor moduan, eta horren barruan bere
tokia izango dute gaur egun kanpoan lan egiten duten baina hemengoak
diren goi-goi mailako musikariek. Berreskuratze horrekin musika-funtsak
katalogatu nahi ditugu eta musika-jarduerarako elizaren artxiboan
dagoen ondare historiko osoa berreskuratu nahi dugu. Halaber,
musika-ondare berri bat osatu nahi dugu, eta baita jendearen esku jarri
ere ondare hori interpretatuz eta zabalduz.
Proiektu honen abiapuntua kalitate bikaineko bi kontzertu izango dira.
Kontzertu horiek bihar, ostirala, eta larunbatean izango dira
Katedralean, zapaltzeko moduko zorua duen nabearen atalean.
Lehenengo kontzertuaren protagonista Santa Maria Kapera
izango da; Carlos Mena ospetsuak zuzendutako eta honetarako bereziki
sortutako taldea da. Mundu mailan ibilbide bikaina duten zenbait
musikarik osatu dute taldea eta Henry Purcell konpositore ingelesaren
jaiotzaren 350. urteurrena gogorarazteko programa ekarriko
digute. Kontzertua arratsaldeko 8:00etan hasiko da eta
sarrerek 6 euroko prezioa izango dute (2 euroko prezioa Katedralaren
Fundatzaileen Elkarteko kideentzat). Sarrera horiek Bisitarientzako
Harrera Zentroan hartu behar dituzue. Gainera, eta bazkideei
emandako laguntzagatik eskerrak emateko, taldeak egingo duen entsegu
orokorrera doan joateko aukera emango diegu. Entsegu orokor hori
ostiralean goizeko 11:00etan izango da.
Larunbatean, arratsaldeko 8:00etatik aurrera, Ensemble SINKROk XX.
mendeko musikari eskainitako errezitaldia emango du. Ensemble SINKROk
Arabako hiriburuko Jesus Guridi Kontserbatorioarekin lotura zuzena du
eta Europan aitzindari da teknika elektroakustikoei eta
instrumentu-teknikei dagokionean. Mundu mailako estreinaldia
izango da eta ahalik probetxu handiena aterako diete eremu honek dituen
aukera akustikoei. Sarrerek prezio berdina izango dute eta
Bisitarientzako Harrera Zentroan hartu beharko dituzue.
Errezitaldi hauekin lortzen den dirua Katedraleko organoa
zaharberritzeko erabiliko dugu.