24/09/2009
Vitoria-Gasteiz,
2009ko irailaren 24an.- Larunbatean idi-gurdi batek
harrizko blokeak katedrala eraiki zuten garaian bezala ekarriko ditu
Ajarteko harrobietatik (Trebiñu). Gurdia Mendiolatik 11:30-12:00ak
aldera abiatuko da eta 14:00etan iritsiko da Hirigunera.
Hirigune Historikoan asteburu osoan zehar Erdi Aroko Azoka egongo
denez, Santa Maria Katedrala Fundazioak aukera aprobetxatu nahi du
harginek Erdi Aroan harria nola eskuratzen zuten gogorarazteko. Azken
bi urteetan bezala, aurten ere Goiena Mendi Taldearekin lankidetzan,
harrobietatik Gasteizera arteko ibilbideak antolatu dira.
Gurdia 800 kiloko idi bik eramango dute. José Luis Galarza eta José
Rementeria dira idien jabeak eta Iurretako baserritar hauek biek
gidatuko dituzte ibilbide osoan zehar. Mendiolako plazatik
11:30-12:00ak aldera abiatuko dira, hau da, Ajartetik ibiltzen doan
taldea bertara iristen denean, gutxi gorabehera. Gero Olarizuko
Etxaldera hurbilduko dira, Jauregilandatik igaro ondoren, Iturritxu,
Zumabide, Domingo Martinez de Aragon, Araba, Aguirre Miramón, Juan
lbáñez de Santo Domingo, San Antonio, Becerro de Bengoa, Prado, Andre
Maria Zuria eta Mateo Moraza kaleak eta San Frantzisko aldapatik joango
da eta amaitzeko, Aihotz Plazara 14:00etan iritsiko da, gutxi
gorabehera. Hara iristean, harri blokeak (bakoitza 400 kilokoa, gutxi
gorabehera) plazan harria txikitzen egongo den hargin bati entregatuko
dizkiote. Horrez gain, ekitaldiari errealismo gehiago emateko, Goiena
mendi taldeko kide batzuk modu tradizionalean jantziko dira.
Nahi duenak taldearekin batera Katedraleraino ibilbidea egiteko aukera
izango du. Zalantzarik gabe, oso interesgarria izango da egun horretan
Erdi Aroko Azoka bisitatuko duten milaka pertsonentzako.