Gaurkotasuna

Jarduerak

13/07/2019

Kontzertua: Amós Lora (flamenkoa)

2010ean, Amosek Erromara bidaiatu zuen, Paco de Lucia ezagutze asmoz, eta kontzertu pribatu txiki bat eskaintzeko parada eduki zuen. Kontzertu hartan, haurraren talentuak maisua txunditu zuen.

Hiru urterekin hasi zen gitarra jotzen, Manuel Lora aitaren zuzendaritzaren pean. Sei urte zituela, El Entri zeritzonarekin hasi zen ikasten, Caño Roto eskolako irakaslearekin, hain zuzen ere. Madrilen, Jerezen eta Almeriako Pescaderia auzoaren artean, ijitoen arteaz blaitzen joan zen Amos.

2014an, Worldmusic zigilu diskografikoak editatu zuen The Rough Guide to Flamenco Guitar abesti-bilduma. Diskoan, Tomatitoren, Carles Benavent-en eta Paco de Luciaren ondoan agertzen da Amos Lora. 16 urterekin, bigarren diskoa grabatu zuen, Así lo veo izenekoa, eta, bertan, jazza eta flamenkoa estilo bakan eta guztiz pertsonalarekin fusionatzen dituzten jatorrizko abestiak bildu zituen.

2019an, hirugarren diskoa aurkeztu zuen Amosek, Sin

más izenburupean. Lan hori bere konposizioetan dago oinarrituta, eta, berori grabatzeko, Amos bakarrik egon zen estudioan, disko intimo bat erakuste aldera, non berak jotzen dituen musika-tresna guztiak.

Argibide gehiago eta salmenta www.kontzertuanetairekita.eus

Cookieak darabiltzagu gure zerbitzuak hobetzeko. Nabigatzen jarraitzen baduzu, horien erabilera onartutzat hartuko dugu zure aldetik. Onartzen dut | Informazio gehiago