04/10/2019
Sarrerak: 10 euroko dohaintza, Katedralaren Bisitarien Zentroan eta www.wearelikeyou.org
Santa Maria Katedralean Easo abesbatzaren emanaldi solidarioa egongo da urriaren 4an We are like you proiektuaren baitan. Proiektuaren xedea da gaixotasun mentalak dituzten Liberiako emakumeei laguntzea. Aita Menni ospitalea elkarlanean aritzen da Monroviako Ahizpa Ospitalarioen Zentroarekin gaixotasun mentalak dituzten emakumeei laguntzen, komunitatean berriro integratzeko laguntza eskaintzen. Proiektuak Liberiako Osasun Ministerioaren, MOEren eta alorreko zenbait nazioarteko erakunderen aintzatespena lortu du. Aita Menni ospitalearen diru-laguntzekin finantzatzen da, baita elkarte, enpresa eta partikularren ekarpenekin, tartean, emanaldi hau. Jasotako zenbateko guztia helburu honetarako emango da.
