17/09/2026
Osteguna 17, 20.00etan Santa Maria Katedralean
Gonbidapenak Arabako Aintzinako Musika Asteko webgunean
Desagertu eta ia hirurogeita hamar urtera, 1792ko eskuizkribu bat aurkitu zuten katedral honetako sakristiaren azpiko gela batean, ziur aski, XVI. mendeko original baten kopia. Rafa Mendialduaren eta Manu Sagastumeren ikerlanari esker, eskuizkribua identifikatu eta gure eskuetara iritsi zen, agiriaren sekretuak argitzen saiatzeko
Eskuizkribuak Cristobal de Moralesen Hildakoen Ofizioa jasotzen du, aldaera arin batzuk eta egile ezezaguneko zenbait errespontsu gorabehera (horietako bi, argi eta garbi, Errenazimentukoak dira), baita Hildakoen Meza bat ere. Eskuizkribuak Sevillako maisuari egozten dion meza argitaragabe hau XVI. mendearen lehen erdiko errepertorio mota jakin batekoa da, eta horren adibide oso gutxi daude Europan. Programak eskuizkribuaren Errenazimentuko orrialdeak berreskuratuko ditu eta XVI. mendeko polifonista handienetako baten lau ahotseko meza ezagunaz osatuko ditu.
