Ondarea zaharberritzea

Kapituluko eraikinak zaharberritzea. (2009-2010)

Kapituluko eremuak Santa Maria Katedrala Fundazioaren erabilera berrira nahiz hainbat alderditan indarrean dagoen araudira –sarbidea, instalazioak, etab.– egokitzeko, erreforma-lanak egin dira bertako eraikinetan eta Sakristiara atxikitako eraikinetan.


Lan hauek egin dira: Sakristiako estalki-egitura konpontzea, eta teilatua eta oholeria berrezartzea, euri-ura bildu eta kanporatzeko eta errondaren pasabideko baoak babesteko sistema berriekin, hain zuzen ere ura Katedralean eta Sakristian sartzea saihesteko; kapitulu-aretoko estalki-egitura ordeztea –oso gaizki kontserbatua–, haritz-egur, taula eta teila mistoko egitura berri batekin, teilatupean eremu bat utziz dokumentuak artxibatzeko; kapituluko aretoetako –kalonjeen jantzigela– estalkiaren taula eta teilatua ordeztea, egurrezko egitura mantendu eta zaharberrituz; egurrezko eskailera desmuntatzea, maila desberdinetan bulego gisa erabil daitezkeen hiru gune irabazteko; eskailera berri bat eta igogailu bat eraikitzea kapitulu-eraikinaren eta Errekonziliatorioko kaperaren –Santiagoko kaperako sakristia zaharra eta Katedralaren altxorra– artean kokatutako patioan; azken kapera hori zaharberritzea, harria garbitzea –zementu zurizko karesneak–, gatzak ezabatzea eta junturatzea kareharrizko morteroarekin.


Cookieak darabiltzagu gure zerbitzuak hobetzeko. Nabigatzen jarraitzen baduzu, horien erabilera onartutzat hartuko dugu zure aldetik. Onartzen dut | Informazio gehiago